ԴՈՒ ԿԱՐՈ՛Ղ ԵՍ ՍՏԵՂԾԵԼ ԿՈՌՈՒՊՑԻԱՅԻՑ ԶԵՐԾ ՀԱՅԱՍՏԱՆ

Հաղորդի՛ր կոռուպցիայի մասին, պաշտպանի՛ր իրավունքներդ

0800 01 110

Այլ տեսանյութեր

Եռօրյա հակակոռուպցիոն ուսուցում Գեղարքունիքի մարզում

20.06.2014

Եռօրյա հակակոռուպցիոն ուսուցում Գեղարքունիքի մարզում

Ինչպե՞ս ներգրավել քաղաքացիներին ՏԻՄ որոշումների կայացման գործընթացում. առաջիկայում քայլեր կմշակվեն

27.05.2014

IMG_4275 copyՀայաստանում քաղաքացիների մեծամասնությունը ներգրավված չէ տեղական ինքնակառավարման մարմինների որոշումների կայացման գործընթացում, շատերն անգամ չգիտեն այդ հարցում իրենք իրավունքների մասին: Նման եզրահանգման է եկել Չեխիայի Հանրապետության գործերի հավատարմատար Պետր Միկիսկան:

«Չեխիայի Հանրապետությունը և Չեխիայի Հանրապետության արտաքին գործերի նախարարությունը հպարտ են այս ծրագրի մաս և նրա գործընկեր լինելու համար։ Կարծում եմ, որ ձեր ծրագիրը, որը մենք սկսում ենք այսօր, կատարելապես համապատասխանում է այն գործողություններին, որ Չեխիայի Հանրապետությունն իրականացնում է ոչ միայն Հայաստանում, այլ նաև Արևելյան գործընկերության երկրներում, և հատկապես պետական կառավարման բարեփոխումների ոլորտում»,- ասաց Չեխիայի Հանրապետության գործերի հավատարմատար Պետր Միկիսկան։

Քաղաքացիների մասնակցությունը ՏԻՄ որոշումների կայացման գործընթացում. Եվրոմիության փորձը. այն իրականացնելու է «Հայաստանի երիտասարդ իրավաբանների ասոցիացիան» գործընկերներ` «Վրաստանի երիտասարդ իրավաբանների ասոցիացիա» և «Ագորա Սենթրալ Յուրըփ» ՀԿ-ների հետ համագործակցությամբ: Ծրագրի իրականացումը սկսվել է 2014 թվականի մայիսի 1-ից և կավարտվի 2014 թվականի օգոստոսի 31-ին:

«Ուզում եմ նշել, որ ՀԵԻԱ-ն մեծապես կարևորում է Արևելյան գործընկերության շրջանակներում նման ձևաչափով Հայաստանի, Վրաստանի և Չեխիայի քաղաքացիական հասարակության կազմակերպությունների համագործակցությունը, վստահ եմ եռակողմ այս ծրագիրը մեկ քայլ առաջ կկատարի գործընկերության զարգացման ապահովման համար»,- ասաց Հայաստանի երիտասարդ իրավաբանների ասոցիացիայի նախագահ Կարեն Զադոյանը:

«Վրաստանի համար այս ծրագիրը շատ կարևոր է, քանի որ այժմ բարեփոխումների մեծ ալիք է սկսվել տեղական ինքնակառավարման ոլորտում: Տեղական խնդիրների լուծման հարցում քաղաքացիների ազդեցությունը մեզ համար շատ կարևոր է»,- նշեց Վրաստանի երիտասարդ իրավաբաների ասոցիացիայի ներկայացուցիչ Քեթևան Բեբիաշվիլին:

Ծրագրի հիմնական նպատակն է ուսումնասիրել տեղական ինքնակառավարման բնագավառի որոշումների կայացման գործընթացում քաղաքացիների մասնակցության մակարդակը, ինչպես նաև Չեխիայի Հանրապետության առաջավոր փորձն այդ ոլորտում հանրային վերահսկողության իրականացնելու վերաբերյալ:

Ծրագրի եվրոպական փորձագետներ, չեխական «Ագորա Սենթրալ Յուրփ» ՀԿ փոխտնօրեն Պավել Միչկան և Չեխիայի Հանրապետության Չեշսկի Բրոդի քաղաքապետ Յակուբ Նեկոլնին թեմայի վերաբերյալ երկօրյա ուսուցման շրջանակներում պատմեցին ՏԻՄ ոլորտում քաղաքացիների մասնակցության առավելությունների և սահմանափակումների մասին, ՏԻՄ ոլորտում քաղաքացիների մասնակցության ծրագրերի չափանիշները հստակեցրին և փորձեցին ծրագիր մշակել ու ներկայացնել:

«Այն ինչ հիմնականում փորձում ենք անել, այն է, համայնքապետարաններին և պաշտոնատար անձանց ցույց տալ, որ մասնակցությունը մի գործընթաց է, որ կարող է յուրաքանչյուրին օգնել առավել բարենպաստ միջավայրի ստեղծմանն ու զարգացմանը։ Մասնակցությունը մի բան է, որը կարող է օգնել ոչ միայն որոշակի հետաքրքրություններ ունեցող խմբին, այլայն կարող է օգտագործվել բոլորի կողմից, քանզի մասնակցությունը բոլորի համար է»,- ասաց Չեխական «Ագորա Սենթրալ Յուրփ» ՀԿ փոխտնօրեն Պավել Միչկան:

«Մենք պատասխանատվություն ենք կրում որոշումների կայացման գործում քաղաքացիների և հասարակական կազմակերպությունների ներգրավվածությունն ապահովվելու համար: Բայց դա շատ քիչ ոլորտներում է հնարավոր` կրթական, սոցիալական»,- նշեց Չեխիայի Հանրապետության Չեշսկի Բրոդի քաղաքապետ Յակուբ Նեկոլնին:

«Բոլորը ստացան այնքան կարևոր պրակտիկ գիտելիքներ, որոնք մեզ կօգնեն երկու երկրներում` Վրաստանում և Հայաստանում, ծրագրի իրականացման ժամանակ»,- նշեց Վրաստանի երիտասարդ իրավաբաների ասոցիացիայի ներկայացուցիչ Քեթևան Բեբիաշվիլին:

Առաջիկայում Հայաստանի երիտասարդ իրավաբանների ասոցիացիան՝ Հայաստանի Լոռու մարզի, իսկ Վրաստանի երիտասարդ իրավաբանների ասոցիացիան՝ Սամցխե- Ջավախեթի շրջաններից յուրաքանչյուրի մեկական քաղաքային և գյուղական համայնքներում կանցկացնեն «World café» ֆորմատով մեկական համայնքային քննարկումներ: Դրանց հիմնական նպատակն է ՏԻՄ-երի որոշումների կայացման գործընթացում վեր հանել քաղաքացիների մասնակցության խնդիրները և փորձել դրանք լուծել ՏԻՄ ոլորտի օրենսդրության բարեփոխումների իրականացման միջոցով:

Ծրագրի ավարտին ՀՀ Լոռու մարզում տեղի կունենա ծրագրի ամփոփիչ համաժողովը, որի ընթացքում ծրագիր իրականացնող կազմակերպությունների ներկայացուցիչները կամփոփեն ծրագրի արդյունքները:

aac.am

Պայքարի հաղթանակը

29.01.2014

Արարատի մարզի երկու բնակիչներ 2013 թվականին ցանկացել էին կնքել անշարժ գույքի առք ու վաճառքի պայմանագիր:

«Հայաստանն ընդդեմ կոռուպցիայի» ծրագիրը պարգևատրվեց Արդարադատության նախարարի շնորհակալագրով

20.12.2013

«Հայաստանն ընդդեմ կոռուպցիայի» ծրագիրը պարգևատրվեց Արդարադատության նախարարի շնորհակալագրով