ԴՈՒ ԿԱՐՈ՛Ղ ԵՍ ՍՏԵՂԾԵԼ ԿՈՌՈՒՊՑԻԱՅԻՑ ԶԵՐԾ ՀԱՅԱՍՏԱՆ

Հաղորդի՛ր կոռուպցիայի մասին, պաշտպանի՛ր իրավունքներդ

0800 01 110

Հաջողության պատմություններ

Պայքարի հաղթանակը

29.01.2014

aac success story AraratԱրարատի մարզի երկու բնակիչներ 2013 թվականին ցանկացել էին կնքել անշարժ գույքի առք ու վաճառքի պայմանագիր:

Հայաստանի կառավարությանն առընթեր անշարժ գույքի կադաստրի պետական կոմիտեի Արարատի տարածքային ստորաբաժանման աշխատակիցները պայմանագրի կնքման համար օրենքով նախատեսվածից ավելի գումար էին պահանջել: Բնակիչները դիմել էին Արարատի հակակոռուպցիոն կենտրոն:

«Գումարը տալուց հետո հասկացա, որ ավելի գումար եմ տվել: Եկա Տիգրանին հարցրեցի, ասացի, ոնց որ շատ ենք մուծել: Տիգրանը զանգեց, իմացավ, գործին ընթացք տվեց»,- ասաց Արարատի հակակոռուպցիոն կենտրոնի շահառուն:

Խնդրին տեղեկանալով` «Հայաստանն ընդդեմ կոռուպցիայի» ծրագրի ներկայացուցիչը զանգահարում է Կադաստրի թեժ գիծ:

«Քանի որ խնդիրը հրատապ էր և խախտումն ակնառու, Կադաստրի պետական կոմիտեի աշխատակիցները մեր ահազանգելուց ընդամենը 40 րոպե հետո Արարատի տարածքային ստորաբաժանման գրասենյակում էին»,- ասաց Արարատի հակակոռուպցիոն կենտրոնի համակարգող Տիգրան Մաթևոսյան:

Արարատի հակակոռուպցիոն կենտրոնի համակարգող Տիգրան Մաթևոսյանի, առք ու վաճառքի պայմանագիր կնքող կողմերի և Կադաստրի աշխատակիցների հանդիպման ժամանակ պարզվել է`անշարժ գույքի վերաբերյալ միասնական տեղեկանք ստանալու համար Արարատի բնակիչները 2 անգամ 10.000 դրամի փոխարեն վճարել էին 15.000-ական դրամ: (Անհրաժեշտ է փոխել քանի որ սխալ է հասկացվում։ Խոսել եմ Տիգրանի և Սյուզիի հետ։ Է․Մ․)

«Քանի որ խնդրին տեղյակ էր ՀՀ կառավարությանն առընթեր անշարժ գույքի կադաստրի պետական կոմիտեի նախագահ Երվանդ Զախարյանը 06:46, կոմիտեի ներկայացուցիչները այն աշխատակցին, ով պահանջել էր ապօրինի գումար և ստացել էր, հայտնեցին, որ հաջորդ օրը նա չներկայանար աշխատանքի և Կադաստրի պետական կոմիտեի Արարատի տարածքային ստորաբաժանման բոլոր աշխատակիցները հաջորդ օրը պետք է ներկայանային Կադաստրի պետական կոմիտե, որպեսզի նրանցից բացատրություն վերցվեր գործի հանգամանքների վերաբերյալ: 07:14»,- հայտնեց Տիգրան Մաթևոսյանը:

«Հաջորդ օրն իսկ քաղաքացիներին վերադարձրեցին Կադաստրի աշխատակիցների կողմից ավելի վերցված գումարները և քաղաքացիների դիմումներին ընթացք տրվեց»,- ասաց հակակոռուպցիոն կենտրոնի իրավախորհրդատու Աշխեն Տերտերյանը:

Կադաստրի պետական կոմիտեի Արարատի տարածքային ստորաբաժանման աշխատակիցներն առք ու վաճառք կատարող կողմերից պայմանագիրն ավարտին հասցնելու և սեփականության իրավունքի գրանցման վկայականը տրամադրելու համար 56.000 դրամ էին պահանջել` ընդհանուր վճարման ենթական 26.000 դրամի փոխարեն: Անօրինականության բացահայտումից հետո` սահմանված գումարից ավելի պահանջված 30. 000 դրամը Կադաստրի աշխատակիցները չստացան:

Ավելի ուշ` Անշարժ գույքի կադաստրի պետական կոմիտեից Արարատի հակակոռուպցիոն կենտրոնին գրավոր հայտնել են, որ անօրինական գործողություններ թույլ տված Կադաստրի պետական կոմիտեի «Արարատյան» ապասարկման գրասենյակի առաջին կարգի մասնագետ Գրիշա Համբարձումյանն ազատվել է աշխատանքից, իսկ օպերատոր Անժելա Բաղդասարյանին հայտարարվել է խիստ նկատողություն:

Հ.Գ. Արարատի հակակոռուպցիոն կենտրոնի շահառուի անունը չի հրապարակվում նրա խնդրանքով:

Աղբյուրը` aac.am